لە کەرکوک فلمی سیمای خۆڵەمێش نمایش دەکرێت

2019-03-30

9865 جار خوێندراوەتەوە

+ -

 لە چالاکییەکی نوێیدا ماڵی فلم لە شاری کەرکوک فلمی سیمای خۆڵەمێش نمایش دەکات.

ئەمڕۆ شەممە ٣٠ی ئازاری ٢٠١٩ کاتژمێر پێنجی ئێوارە لە هۆڵی سینەمای سەنتەری ڕۆشنبیری کەرکوک، فلمی سیمای خۆڵەمێش بەئامادەبوونی هونەرمەندی دیاری کورد ناسر حەسەن کە لە فلمەکەدا رۆڵ دەبینێت نمایش دەکرێت.

فلمی سینەمایی "سیمای خۆڵەمێش" بەرهەمی بەڕێوەبەڕایەتی سینەمای هەولێرە، لە سیناریۆ و دەرهێنانی شاخەوان ئیدریس، هەریەکە لە "ناسر حەسەن، ئەنوەر شێخانی، گۆڤار ئەنوەر، هێرۆ حەسەن زادە، محەمەد شێروانی" و چەند هونەرمەندێکی تر لە فلمەکەدا رۆڵ دەبینن.

سیمای خۆڵەمێش پاش بەرهەمهێنانی لەچەندین فێستیڤاڵی ناوخۆیی و نێودەوڵەتییەکاندا بەشداریی کردووە و نمایش کراوە، ناوەرۆکی فلمەکە باس لە پێكەوەژیانی نەتەوەو ئایینەکان دەكات لە هەرێمی كوردستان لە سەردەمی بەعسدا.

ماڵی فلم ساڵی ٢٠١٦ لە شاری کەرکوک دامەزراوە، بەمەبەستی بڵاوکردنەوەی رۆشنبیریی سینەما لەو شارە، هەفتانە فلمێکی تایبەت بێبەرامبەر نمایش دەکات.


زۆرترین خوێندراو